Павлодар орталығында көпқабатты үй өртеніп, бір адам қаза тапты. От пәтерді түгелімен шарпыған соң, 5 қабатты тұрғын үйдегі адамдардың барлығы қауіпсіз жерге шығаруға тура келген.
Ұялы телефонға түсірілген мына кадрларда қызыл жалынның екінші қабатта басталғаны байқалады. Будақтаған қара түтінге тұншығып, көздері тұмшаланған жоғары қабаттың тұрғындары сатымен төменге әзер түсті. Өрт сөндірушілер келіп жеткенше, адамдарға сол ауданда кезекшілік атқарып жүрген ішкі әскер сарбаздары жәрдем көрсеткен. Қызыл жалын ауыздықталған соң, пәтер ішінен 40 жастағы әйелдің мәйіті табылды. Оның егде тартқан анасы болса, терезеден секіріп, аман қалған көрінеді. Өрттің шығу себебі әлі анықталмады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
