Ақтөбеде мереке құрметіне орай көшеде полицияның бақылау бөлімшесі ашылды
Автор: Жаңалық Ахаш
08.03.2013
Ал Ақтөбеде 8-ші наурыз мерекесінің құрметіне орай аталған көшеде полицияның бақылау бөлімшесі ашылды. Бұл мейрамды дәріптегендіктен емес, көшеде қылмыс жиі болатындықтан.
Бесіктен белі шықпай жатып арын сатқан арулар 8-ші наурыз көшесіндегі пәтерлердің бірінен ұсталған. Оларды жезөкшелікке мәжбүрлеген жеңгетай жақында ғана өз жазасын алды. Тәртіп сақшыларының айтуынша, вокзал жанында орналасқан осы көшенің бойындағы пәтерлердің көбі жалға беріледі екен. Қызметін сағаттап бағалайтындар мен шойын жол арқылы есірткі тасымалдаушылардың аялдауына таптырмас орын болып отыр. Сондықтан қылмыстың алдын алу мақсатында 8-ші наурыз көшесінде полиция бақылау бөлімшесін ашуға мәжбүр болған. Тәртіп сақшылары кезекпен әр подъезді қадағалап отырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
