Қарағандыда үш күн жауған жаңбырдың соңы көктайғаққа айналды. Салдарынан қаланың ішін былай қойғанда сыртындағы ашық жолда апаттары жиіледі.
Кеше аяқ астынан көтерілген адым аштырмас ақтүтек бораннан таяқ тастам жер көрінбей кеткен. Салдарынан Қарағандыдан Астанаға шыға-беріс күре жолдағы көктайғақта 20-дан аса автокөлік бір-бірімен соқтығысып, 1 адам қаза болды. Кейбірін қатты жел жол шетіне ысырып тастаған. Абырой болғанда зардап шеккендер жоқ. Сол жерде жүрген жол полициясы не тұралаған көлікті тарқата алмай, не соқтығысқандарға араша түсе алмай әбігер болды. Апаттарға хаттама толтырып, кептелісті азайту үшін қаладан шыға берістегі негізгі жол жабылып, көлік легі қосымша тар жолдарға лап қойды. Жол полициясы түні бойы жұмыс істеп, жүргізушілерді титықтатқан жол таң ата бір-ақ ашылды. Ал жалпы облыс көлемінде жолдарда қар құрсауында қалып қойған көліктерден 150-ге тарта адам құтқарылыпты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
