Шығыс Қазақстанда «100 мектеп 100 аурухана» бағдарламасы аясында білім ошағын тұрғызған мердігер компанияның басшысы аштық жариялады. Кәсіпкердіңайтуынша жергілікті билік былтыр салынған жаңа мектептің тек 30 пайыз құнын төлепті.
Мердігердің айтуынша, Катонқарағай ауданы Аққайнар ауылында мектеп толық салынып біткен. Бірақ оны қабылдап алып, есептесуге келгенде тайқып шыға келген комиссияның әрекетіне наразы болған ол аштық жарялапты. Бүгін оның нәр татпағанына 5 тәулік болған. Айта кету керек, бұл ауылда 100-ден астам бала қазір ескі жаппада білім алып жатыр. Жалпы, Шығыс Қазақстанда өткен 2012 жылы тапсырылуы тиіс 24 мектептің тек 9-ы ғана пайдалануға берілген. Ал қалғандарына қатысты туындаған қып-қызыл дау әлі басылмай отыр. Осыған байланысты облыстық құрылыс басқармасының бастығы жұмыстан қуылып, бес бірдей қылмыстық іс те қозғалған. Осы нысанның іргесі де сол былық басталғанда қаланыпты. Енді тергеу аяқталып болмайынша, білім ошағы пайдалануға берілмейді, ал мердігер ақшасын ала алмай сабылып жүретін түрі бар.
Константин Липперт, Құрылыс компаниясының бас директоры:
- Мен балалардың жаңа мектепте білім алғанын қалаймын. Әбден салынып біткен кезде мін іздеп отырған құрылыс басқармасына айтарым: басты қатырмай, білім ордасын қабылсын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
