Ақтауда тағы бір педофил ұсталды. Бұл жолы 37-жасар қаскөй екі бірдей мектеп оқушысын жәбірлеуге әрекеттенген. Ол кішкентай қыздарды тұрғын үйлердің кіреберісіне алдап кіргізіп, ойына келгенін жасамақ болыпты.
Ақтау қаласының тұрғыны алдымен қала ықшамаудандарының бірінде 2-ші сыныпта оқитын қызға көз салыпты. Бірақ еңгезердей еркектің әрекетінен шошыған 8 жасар қыз оның қолынан әрең сытылып шығыпты. Ал арам ойын іске асыра алмаған азғын бұнымен тоқтамай, бірден көрші ауданға жол тартқан. Ол жаққа бара сала 3-ші сынып оқушысына жармаса кеткен көрінеді. Бірақ абырой болғанда қыздың жан айқайын естіген кәугерлер іске араласып, жеткіншек аман қалды. Азғын бұл кезде оқиға орнынан ізін суытып үлгерген. Дегенмен қос жәбірленушінің сипаттамасы бойынша полиция қаскөйді көп ұзамай қолға түсірді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
