Шымкенттің орталық алаңында мемлекеттік ту жыртық күйінде желбіреп тұр. Мемлекеттік рәміздің тоз-тозы шыққанын жергілікті биліктен бұрын тұрғындар байқаған.
Ұзындығы 16, ені 8 метр келетін жалау Шымкенттің Ордабасы алаңына 2009-шы жылы орнатылған. Ту тұғырының биіктігі 50 метр. Ал, оның құны бақандай 450 мың теңге екен. Сондықтан қала билігі орталық алаңында біршама уақыттан бері жыртылған жалауды ауыстыруға қаражат таппаған көрінеді. Десе де, қала әкімінің баспасөз қызметінде «қалпына келтіру жұмыстары кеше басталған» деген мәлімдеме жасады.
Жандос Қарынбаев, Шымкент қаласы әкімдігі баспасөз қызметінің жетекшісі:
- «Мемлекеттік рәміздер» туралы заңға сәйкес бір жұмыс күні ішінде қалпына келтірілуі тиіс. Қазір қалпына келтіру жұмыстары басталған. Кеше кешкісін басталған. Бүгін бұл ту яғни сөгілген орны қайта тігіліп, орнына қайта ілінетін болады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
