Шығыс Қазақстанда адам өлтірген мектеп оқушылары құрықталды. Семей маңындағы Знаменка ауылында 11-ші сыныпта білім алып жүрген 8 бала өздерінен үлкен жігітті қылқындырып, ауыл шетінде көміп кеткен.
Ұлы із-түзсіз жоғалған ата-ана тәртіп сақшыларына хабарласқан. Көп ұзамай күдікті ретінде жергілікті мектептің бірден 8 оқушысы ұсталды. Олар болған-мән жайды бірден тізіп берді. Айтуларынша, өздерінен бір жас үлкен жігітпен бірнеше мәрте аражік болған. Ағалық ақылынан жалыққан жастар оны аулаға шақырып, арқан жіппен буындырса керек. Артынша ауыл сыртына шығып, мәйітін көміп кеткен. Енді қолдары қанға былғанған олар 20 жылға дейін бас бостандығынан айырылуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
