Еліміздің батысында үлкенге сәлем беру мен аға буынның төс қағыстыруы басталды. Наурыздың 14-де бұл аймақтарда аталып өтілетін мейрам «көрісу» немесе «амал» деп аталады. Бір өңірге ғана тән ғұрыпты батыстықтар биыл да ерекше аталып өтілді.
Бұл мереке батыс жұртшылығы үшін көнеден қалыптасқан дәстүр. Мал тұяғы көкке, адам аузы аққа ілінген, жер көгерген шақ. Көпшілік құшақтарын айқастырып, бір-бірімен қол алысады, төс түйістіреді. Мұны «көрісу» деп атайды. Бүгінгі мерекеге орай ақтөбелік дәстүрлі әншілер мен жыраулардың фестивалі өтті. Оған бес жасар баладан, алпысты алқымдаған өнерпазға дейін қатысты. «Амал» сал-сері, жыршы-термешілер үшін кезінде ерекше мейрам болған. Олар қыс бойы хисса-дастандар жаттап, көктем шыға ел аралап өнер көрсететін болыпты.
ҚоянбайТобағабылов, жыршы-термеші:
- Батыс өңірінде тойланып жатқан мереке. Сол мерекелеріңіз құтты болсын. Өнердің де биікке шығатын кезі. Өнердің де оянатын кезі. Бүкіл мынау тіршіліктің да қардың астында жыбырлап көктем шықты деп бір көктем жазды қарсы алатын кезі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
