Арнамыз «Арнайы мақсаттағы бөлім» атты отандық полицейлер телехикаясын ұсынады
Автор: Құралай Пионер
18.03.2013
«КТК» эфирінде жаңа тұсау кесер! Бүгін арнамыздан «Арнайы мақсаттағы бөлім» атты отандық полицейлер туралы тұңғыш телехикая көрсетілімін бастамақ. Сериал дегені болмаса, ондағы оқиғалардың дені өмірден алынған. Яғни, сақшылардың қызметтегі адалдығы мен опасыздығы суреттелген. Телетоптама әр дүйсенбі мен бейсенбі аралығында кешкі 22:30-да шығады.
«Арнайы мақсаттағы бөлім» - бұл бүгіннен бастап «КТК» эфирінен шаққалы тұрған тұңғыш отандық полицейлер жайындағы телехикая. Бір бастық, бес сақшы және бірлесіп бетін ашуы тиіс қылмыстық істер. Тіпті сыйыспайтын адамдар қылмысты ашу үшін бірлесе еңбек етпек.
Гайдар Гильманов, актер:
- Мен полиция капитаны Темір Армановтың бейнесін сомдаймын. Өте қызықты кейіпкер. Жан-жақты.
Десе де телехикаяның көздегені – бүгінгі «полиция» атанып жүрген адамның шынайы келбетін көрсету. Сондықтан сериалда адал сақшының да, опазыздыққа бой алдыратын тергеушінің бейнесі бар.
Сұлтанна Кәрімова, актриса:
- Менің ойымша сериал жақсы түсірілді. Бәріде жақсы болды. Бірақ көрермендер өз бағасын береді.
Сериал ұзақ емес, небәрі – 24 бөлімнен тұрады. Әр бөлімі жеке-жеке оқиғаларды қамтып, көпшілікті жалықтырмайтын шым-шытырық сюжетке негізделген.
Жанна Исабаева, режиссер:
- Бұл сериалға қосымша топты айтпағанда, 220 актер қатысты. Бөлімше ғана болмаса, көбі далада түсірілген көріністер.
Сонымен бүгіннен бастап, дүйсенбі-бейсенбі аралағында кешкі 22:30-да «КТК» эфирінен «Арнайы мақсаттағы бөлім» телехикаясын жібермей көріңіздер!
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
