Петропавлда бұрынғы полиция қызметкерлері адам ұрлаумен айналысқан
Автор: Гүлмира Тасболатқызы
18.03.2013
Петропавлда ауқатты кәсіпкердің баласын бұрынғы полиция қызметкерлері ұрлаған. Өткен аптада 7-ші сынып оқушысы Сергей Семенченяны белгісіз біреулер ұрлап кеткенін айтқан болатынбыз. Бүгін сол қылмысты былтырғы аттестациядан өте алмай қалған тәртіп сақшылары ұйымдастырғаны анықталып отыр. Қаскөйлер сезік тудырмас үшін оқушыны сонау Көкшетаудағы жалдамалы пәтерде ұстаған.
Баланың ата- анасы дәулетті екендігін білген күдіктілер, бірнеше күн бойы оқушының мектептен жалғыз қайтар кезін аңдып, торуылдапты. Ыңғайы түсіп, олар үйіне жақындап қалған Сергейді көлікке күштеп мінгізіп, қол -аяғын, матап тастайды. Сөйтіп 200 шақырым жердегі Көкшетау қаласындағы жалдамалы пәтерге жеткізген. Кейінірек олар баланың әкесінің телефонына «ақша дайында» деген мағынада СМС жолдаған. Тәртіп сақшылары баланың ұялы телефоны арқылы күдіктілерді тауып, олардың мекен- жайын анықтаған. Сөйтіп араға төрт күн салып бала ата-анасына қайтарылды. Қазір бұл іске қатысы бар деген күдікпен бір ғана адам ұсталды. Қалғандары іздестіріліп жатыр. Қаскөйлердің екеуі бұрынғы тәртіп сақшылары екен. Бірі лейтентант, екіншісі капитан шенінде болған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
