Астанада тек зәулім үйлерді тонап келген ұрылар ұсталды. Құрықталған үшеу әзірге қаладағы 10 коттеджді үптеп үлгергендерін мойындап отыр.
Елордалық ауқатты отбасылар 23 пен 25 жас аралығындағы мына үш азаматқа жемтік болып келген. Күдіктілер алдымен қаладағы қорғаны әлсіз-ау деген зәулім үйлерді бірнеше күн бақылап барып іске кірісіп отырған. Қарақшылар баспанада иелері жоқ кезде, әсіресе қас қарайғанда түсіп, не бары 10-15 минуттың ішінде қолдарына түскен бағалы заттарды тонап жүріпті. Тінту барысында олардан алтыннан жасалған бұйымдар, ұялы телефондар мен қымбат техникалар, сонай-ақ, 7 мың АҚШ доллары мен 500 мыңнан астам теңге тәркіленді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
