Павлодарда оқушы қыздарды жезөкшелікпен айналысуға мәжбүрлеген қылмыскер құрықталды
Автор: Айжан Әлібек
19.03.2013
Павлодарда қылмыс әлемінің серкесі кәмелет жасына толмаған қыздарды жезөкшелікпен айналысуға мәжбүрлеген. Қазірдің өзінде оның құрығына өрімдей он қыз ілінгені анықталды.
Тәртіп сақшылары қылмыскердің ізіне жарты жыл бұрын түскен. Ұйымдасқан қылмыстық топтың жетекшісін құрықтау кезінде одан тапанша және оқ-дәрілер тәркіленді. «Сунтик» деген лақап атымен белгілі Павлодар қаласының 29 жастағы тұрғыны кәмелет жасына толмаған қыздарды қорқытып, олардан 500 мың теңгеден талап еткен. Оқушы қыздарда ондай қаражат болмаған соң Сунтик бойжеткендерді жергілікті моншаның клиенттеріне қосымша қызмет түрінде ұсынған. «Жеңгетай» теріс жолға түсіргендердің арасында 15 жастағы бойжеткен де бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
