Шенеуніктер қаламды күрекке айырбастап, көшелерді тазартуға кірісті
Автор: Гүлмира Тасболатқызы
20.03.2013
Теріскейдің шенеуніктері қаламды күрекке айырбастап, Наурыз мерекесі қарсаңында Петропавл көшелерін тазартуға шықты. Олар соғыс ардагерлері мен жалғыз ілікті қариялардың аулаларындағы қарды шығарып, арықтарды аршыды.
Әдетте бір бөлімнен екінші бөлімге қағаз тасып жүретін орта қолды шенеуніктерді теріскейдің бүгінгі аязы сынға салғандай. Қимылдамасаң, қатып қаласың. Ауа райы суық болғасын, олардың нәзік жанды әріптестері кеңседе қалыпты. Оларға қол ұшын беруге жергілікті тұрғындардың ешқайсысы шыққан жоқ. Ақ жағалылардың тірлігін терезеден телміріп қараудан аспады халық.
Сәрсенбай Қайыров, Петропавл қалалық жұмыспен қамту орталығының бөлім бастығы:
- Ертең олар ойламайды, су келіп қалады деп. Көрдіңіз бе? Ал, ертең су келіп қалады, сонда басқаша кісілер айтады сосын. Су басып кетті деп шығады кісілер. Ал қазір міне ешкім шықпайды көмектеспейді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
