Туыстарын жындыханаға тоғытпақ болған судья 5 жылға бас бостандығынан айырылды
Автор: Руслан Әбдіхалық
20.03.2013
Таразда судья сотталды. Мейрамхананы иеленбек болып, ата-анасы мен туған ағасын жындыханаға тоғытқан судья бес жылға бас бостандығынан айырылды. Осыдан екі жыл бұрын қалалық мамандандырылған әкімшілік сотының судьясы қызметінде болған Сандуғаш Әзімханова «дайын асқа тік қасық» деп отбасылық тойхананы өз меншігіне тартып алуға әрекеттенген.
Есірткі бизнесіне қарсы күрес басқармасында қызмет еткен күйеуі екеуі құйтырқы әркеттерге барып, әкесі мен анасын және туған ағасын жындыханаға қаматып тастаған. Алайда ерлі-зайыптының арам пиғылдары әшкере болып, туыстары оларды сотқа берген. Экс-судьяның күйеуі жұмысынан қуылып, өзінің үстінен қылмыстық іс қозғалған болатын.
Ғазиз Аманбаев, Тараз қаласы №2 сотының судиясы:
- Түкпілікті 4 жыл мерзімге мемлекеттік қызметте белгілі бір қызметпен айналысу құқығынан айырып, 5 жыл мерзімге бас бостандығынан айыру жазасы тағайындалды. Сотталған Әзімхановаға жазасын түзеу колониясының жалпы режимінде өтеу белгіленды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
