Ә.Молдағұлованың бос бейіті жайлы сенсациялық жаңалық қазақстандық іздестіру тобының күдігін туғызды
Автор: Айжан Әлібек
29.03.2013
Әлия Молдағұлованың бос бейіті жайлы сенсациялық жаңалық қазақстандық іздестіру тобының күдігін туғызса керек. Айтуларынша, бұндай мәлімдемені жариялаған ресейлік әріптестер асығыстық жасады.
Айта кетсек, Ресейдің Псков облысындағы Әлия Молдағұлованың зираты астында батыр қыздың сүйегі жоқ екенін Ресейдің іздестіру тобы мәлімдеген. Олардың деректеріне сенсек, Әлия Пичевка деген ауылдың түбіндегі ну орманда жерленген. Ал, Псков облысындағы құлпытас орнатылған жер бос. Десек те, Павлодар қаласындағы «Майдан жолы» іздестіру тобы үшін бұл хабар төбеден жай түскендей болды. Олар мәселені бүге-шүгесіне дейін зерттемей, ел-жұртқа жар салу ерте дейді.
Балғабек Әлежанов, «Майдан жолы» іздестіру тобының мүшесі:
- Ресей іздеушілер тобының қандай мақсат алдына қойғанын білмеймін, бірақ ол жерде сүйек жоқ деп айту еретерек сияқты, себебі оның барлығын мемлекеттік деңгейде тексеру керек, оған комиссия құру керек сияқты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
