Бүгін Алматыда сот шешіміне риза болмағадар тағы наразылық білдірді. Қалалық Ішкі істер департаменті алдында болған қарсылық акциясына түрлі деңгейлі қылмыстардың ақ қарасын айыруы тиіс шешімдер әділетсіз шықты деп шырқыраған жұрт жиналды. Бірінің туысы күмәнді дәлелдермен абақтыға қамалса, кейбірінің мүліктері сот шешімімен өзгенің иелігінде кеткен.
Әділетті сот керек, тура шешімді талап етеміз деген топтың қатары өткен жолғыдай емес, сирек. Осыдан бір ай бұрын қалалық прокуратураның алдында көңілдеріне жақпаған судьялардың суреттерін өртегендер бүгін Алматы қалалық Ішкі істер департаментінің алдында бас қосты. Плакаттарын жайып ұстағаны сол екен әкімдік өкілдері барлығын кері жинатып тастады. Туыстарының тағдырын шешкен сот үкімдеріне көңілдері толмаған тұрғындар ақырында бірігіп жазған арыздарын полицияға қалдырып, тарқасты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
