Нұрлан Нығматулин: "Мәжілісте ресми сөйлеу мәдениетін сақтау керек"
Автор: Жәудір Оразхан
06.12.2013
«Бәке», «Мәке» мәселесі тағы көтерілді. Мәжіліс төрағасының қазақы қаратпа сөзді төменгі палатада қолдануға тыйым салуы қоғамда біраз шу тудырған еді. Бірақ спикер алған бетінен қайтар емес. Бүгін Көкшетауда студентермен кездескен Нығматуллин осыны шегелеп айтты.
Нұрлан Нығматулин, Мәжіліс төрағасы:
-Әрине, ата-бабамыздан келе жатқан дәстүріміз бойынша үлкен адамдарға, туған-туысқандарға, жақын жолдастарға «Әбеке» немесе «Сәке» ден сыйлап сөйлеген өте орынды. Мен өзім де солай жиі сөйлеймін. Бірақ, Парламент сияқты ресми органдарда ресми сөйлеу мәдениетін сақтау керек деп ойлаймын.
Нұрлан Нығматулин жуырда еліміздің бас экономисті Ерболат Досаевқа депутаттарды «Мәке», «Бәке» деп атауға тыйым салып қатаң ескерту жасаған еді. Енді барлық министр Мәжілістегі 107 депутаттың аты-жөнін жаттауға мәжбүр. Қаратпа сөз 20 жылдан бері Парламент қабырғасында айтылып келген. Бірақ Нығматуллинге ақыры жақпады. Оның ойынша, бұл қазақтың дастархан басында айтатың әңгімесі екен. Алайда депутаттардың өздерін түсініп болмайсың. Отырыстардың бірінде Шалатай Мырзахметов бұрынғы Дін Істері Агенттігінің төрағасы Қайрат Лама Шәріптен өздерін "мырзалар" деп атауды талап еткен еді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
