Оңтүстік Қазақстанда көмірден иіс тиген әйел үш баласымен көз жұмды. Күйеуімен тағы екі бүлдіршін ауыр хәлде ауруханада жатыр.
Оқыс оқиға Қарабау ауылында болған. Түнде пешке көмір салып шырт ұйқыға кеткен 7 адамның төртеуі бірдей қайтып оянбаған. Қазір 36 жастағы отағасы мен 9 және 7 жасар екі бала ауыр хәлде жатыр. Ал, 31 жастағы анасы мен 11 жасқа дейінгі үш бүлдіршін бүгін жерленді. Қазір, улы газдың неліктен шыққаны анықталып жатыр. Көршілердің айтуынша, балалардың бірін аман алып қалуға мүмкіндік болыпты. Алайда, Қазығұрт аудандық ауруханасындағылар өз ісіне атүсті қараған.
Балқия Ерменбаева, көршісі:
- Ауданның ауруханасына хабарластым. Адам өлді, 4 адам өлді, 3 адамға көмек керек дедім. Біз қарамаймыз деді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
