Жеңіс дәрумені! Шенеуніктер отандық спортшылардың байрақты бәсекелерде топ жаруы үшін тың әдіс ойлап тапты. Яғни қоспалар әзірлейтін ғылыми орталық ашуды жоспарлап отыр.
Спортшыларға арнайы қоспалар дайындайтын ғылыми орталықтар АҚШ пен Қытайда жақсы дамыған. Мысалы, жүзуден Олимпиаданың 18 дүркін чемпионы Майкл Фелпстің жеке басына бір орталық жұмыс істейді екен. Бұл сала елімізде кенже қалған. Тиісті білімі бар мамандардың жоқтығынан спортшылар қандай дәрумен ішу керектігін білмейді. Ал шенеуніктер олқылықтың орнын Сочидегі қысқы олимпиада қарсаңында толтырмаққа білек сыбанып отыр. Тіпті шетелдік ғалымдарды елге шақырмақ. Атқамінерлердің мұндай қадамға баруы бекер емес. Жақында халықаралық ауыр атлетика қауымдастығы 9 қазақстандық зілтеміршіні допинг қолданды деп айыптап жарыстан шеттеткен болатын.
Елсияр Қанағатов, Спорт және дене шынықтыру істері агенттігі төрағасының орынбасары:
-Сочидегі олипиадаға жақсылап дайындау керек. Оның ішінде спорттық дәрігерлердің орны ерекше. Спортшыны дұрыстап қарап жеткізу үшін. Болашақта спорттық дәрігерлердің саны аз, сапасын да жоғарылатуымыз керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
