Ақтөбедегі ағылшынша білім беретін айтулы мектептердің бірінде дәріс аяқ астынан үзілді. Сабақ оқығысы келмеген сотқар оқушылардың бірі дәлізге газ сеуіп кеткен.
Бір тентектің арқасында бұл мектептегілер үш күндік демалыстарын тағы бір күнге ұзартты. Мектеп басшылығы сабаққа кешігіп келген төрт оқушының бірінен күдіктеніп отырған көрінеді. Егер газ сепкен сотқар анықталатын болса, ата-анасына айыппұл салынбақшы. Ең қызығы, мұндай келеңсіз жағдай қаладағы қорғанысы мықты білім ошағында болып отыр. Себебі бюджеттен жалғыз осы мектепке ғана сынақ ретінде қауіпсіздік шараларына деп миллиондаған ашқа бөлінген. Кіріп-шыққандарды тексеріп, ғимаратың ішін бақылау үшін арнайы қондырғы орнатылған болатын. Әйтсе де ол қарулы қаскөй тұрмақ, сотқар балаға да кедергі бола алмады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
