Астана мен Мәскеу арасындағы дипломатиялық жанжал өзара татуласумен аяқталды
Автор: Ербол Сейілхан
19.12.2013
Дауға ұласқан Каспийдегі атыстың соңы келісіммен аяқталды. Дипломатиялық жанжал туғызған оқыс оқиға қос мемлекеттің Сыртқы Істер министрлері араласқаннан кейін шешіліпті. Сергей Лавров пен Ерлан Ыдырысов болашақта шекара бұзатындармен бірігіп күресуге де уағадаласқан.
Қараша айында қазақ шекарашылары Каспийде рұқсатсыз балық аулап жүрген браконьерлердің ізіне түседі. Алайда «тоқта» деген бұйрыққа бағынбағандар қаша жөнелген. Содан шекарашылар қару қолдануға мәжбүр болып, ресейлік браконьердің біреуі оққа ұшқан-ды. Қалған жетеуінің қолына кісен салған. Осы оқиғадан соң Ресей тарапы қарсылық нотасын жолдап, оқ атқандарды жауапқа тартуын талап еткен болатын. Бірақ еліміздің Сыртқы істер министрлігі Қазақстанның мемлекеттік шекарасының өрескел бұзылғанын нақты айғақтармен дәлелдеп берген соң көршілеріміз үнсіз келісіпті.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
