Ақтөбедегі Ішкі істер министрлігінің заң институтына қарулы шабуыл жасалды. Шолақ мылтық асынған бір топ адам курсанттарға оқ жаудырған. Ауыр жарақат алған екі студент қазір ауруханада жатыр.
Бетперде киген жеті жігіт оқу орнының қоршауынан секіріп түсіпті. Жаттығу жасап жатқан екінші курстың курсанттарымен төбелесіп, кейін оқ жаудырған. Қазір Жамбыл облысының тумасы Азат Құрманбай мен 20 жастағы ақмолалық Олжас Ибрагимов ауыр жарақат алып ауруханада түскен. Ал беттерін тұмшалап, шабуыл жасағандар осы заң институтының курсанттары болып шықты. Қазір үш күдікті абақтыға қамалған. Тәртіп сақшылары студенттердің мұндай қадамға баруына бірнеше болжам келтіріп отыр. Соның бірі, курсанттар жерге бөлініп, жоғары курс студенттерінен қысым көруі мүмкін. Әйтсе де заң институтының басшылары оқыс оқиғаға байланысты үн қатпай отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
