Ал Ақтауда коммуналдық шаруашылық бөлімінің бастығы қарамағындағыларға күн көрсетпей, бас-көз демей балағаттайды екен.
Басшысының боғауызынан әбден мезі болған қызметкерлер ақыры прокуратураға шағым түсіріпті. Айтуларынша, Сағынғали Амангелдиев мемлекеттік қызметкердің ар-намысын аяққа таптап, бөлімдегілермен боқтап қана сөйлескен. Шенеуніктің шектен шығып кеткеніне прокурорлардың да көздері жетіпті. Амангелдиев олардың алдында қызметкерлерін тағы да сыбап салып, ұялы телефонын лақтырған. Бөлім жетекшісіне кейін қатаң сөгіс жарияланды. Алайда тентек бастық ешқашан әдептен асқан емеспін деп бет бақтырмай отыр.
Сағынғали Амангелдиев, Ақтау қалалық коммуналдық шаруашылық бөлімінің бастығы:
- Менің сөз қолданысымда боғауыз сөз жоқ.
- Қызметкерлеріңізді ешқашан боқтаған жоқсыз ба?
- Өмірімде біреуге ауыр сөз айтқан емеспін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
