Машинасын мас күйде айдап, жүкті әйелді жазым еткен судья жазадан оңай құтылды. Еңбекшілдер аудандық сотының бұрыңғы төрағасы Қайрат Тоқсамбаев ақыры жәбірленуші жақтың кешірімін алыпты.
Жөкей ауылында тұратын Әлжановтар осы жылдың маусым айында 17 жастағы қыздары Дианадан аяқ асты айырылып, қайғыдан қан жұтқан. Оның үстіне жақында ғана тұрмыс құрған жас келіншек жүкті болыпты. Жол үстінде келе жатқан Диананы аудандық соттың төрағасы көлігімен қағып өлтірген. Алғашқыда судья рөлде інім отырды деп жалтарғанымен куәгерлердің бұлтартпас дәлелінен кейін кінәсін мойындаған болатын. Қамауға алынбай, жұмысынан ғана шеттетілген судьяны ақыры жәбірленуші жақ кешіріпті. Аудандық сот та бірден осыны ескере қойып, бұрынғы әріптесін жазадан босатқан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
