Жаңа жылға дайындалып жатқан мейрамхана өртке оранды

Көкшетауда мейрамхана отқа оранды. Таң ата басталған тілсіз жау жаңа жылға жан-жақты дайындалып, ойын-сауық бағдарламаларына дейін әзірлеп жатқан нысанды түгел күлге айналдырған. Лезде күш алғаны сонша жалынды ауыздықтауға жергілікті құтқару қызметінің шамасы жетпей, техникалық институт курсанттары да көмекке шақырылыпты. Қайта ғимарат ішінде ешкім болмаған. Бір қабатты мейрамхана енді қалпына келтіруге мүлдем жарамсыз. Өрттің шығу себебі әзірге беймәлім.