Әне-міне дегенше кеше ғана кірген 2013 жылмен де қоштасқалы отырмыз. Жалпы биылғы жыл қазақ спорты тарихында елеулі оқиғалар аз болған жоқ. Ендеше ескі дәстүр бойынша спортшыларымыздың ірі жетістіктеріне қысқаша тоқталып өтейік.
“Формула-1” классындағы әлемнің жеті дүркін чемпионы әйгілі Михаэль Шумахер Францияның Гренобль қаласының ауруханасында ес-түссіз жатыр. Жергілікті демалыс орындарының бірінде шаңғымен сырғанаған автошабандоз таудан құлап ауыр жарақат алған.Дәрігерлер оның миына қан кеткенін анықтапты. Жылдамдықты жақсы көретін 44 жастағы спортшы жартасқа баспен соғылыпты. Тікұшақпен бірден ауруханаға жеткізілген Шумахер әлі көзін ашпаған. Үлкен спортқа 1991-ші жылы келген ол “Формула-1”-де 90 рет жеңіске жетіп, 75 мәрте ең жылдам уақыт көрсеткен. Дәрігерлер Шумахердің қазіргі жағдайын ауыр деп бағалап отыр.
Футболдан Англия чемпионатының 19-шы турында “Челси” өз алаңында “Ливерпульды” қабылдады.
Өткен турда “Манчестер Ситиге” 2:1 есебімен ұтылған мерсисайдттықтар бұл жолы да жеңісті уысынан шығарып алды. Не бары 3-ші минутта қорғаушылардың қателігін ұтымды пайдаланған Мартин Шкртел “Ливерпульді” алға шығарды. Бірақ көп ұзамай Жозе Моуринью шәкірттері таразы басын теңестіріп кетті. Мергендігімен көзге түскен Эден Азар. Ал бірінші таймның соңына дейін Самуэль ЭтоО жеңіс голын соқты. 19-шы турдан кейін 42 ұпай жинаған “Арсенал” бірінші орында. Екінші үшінші орында тиісінше “Манчестер Сити” мен “Челси”.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
