Тараздағы шыршаны абайсызда өртеп жіберген әйел 45 тәулікке қамалып немесе 500 мың теңге көлемінде айыппұл төлеуі мүмкін. Жанып кеткен жасыл желектің құнын өтеу де оның мойнына жүктелген.
Естеріңізге салсақ, 27-ші желтоқсанда облыс орталығының басты шыршасы өртке оранып, қас- қағым сәтте 3 жарым млн. теңгенің жасыл желегі жанып кеткен болатын. Өрттің шығуына осы алаңда баласын серуендетіп жүрген әйел себеп болыпты. Аспанға ұшырған батпырауығы шыршаға шырмалып ақыры өрт шыққан. Алайда, 40 жастағы әйелдің өзі көлігіне мініп қашып кеткен. Машинасының нөмірі бақылау камерасына түсіп қалып, тәртіп сақшылары көп ұзамай оны қолға түсірді. Ал жергілікті билік 3 жарым млн. теңге жұмсап, бір-ақ күнде жаңа шырша тұрғызып тастады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
