Петропавлда полицей жұмыс орнында өз-өзін атты. 25 жастағы сержант алдымен аяғына, кейін тапаншасын басына тақап атып жіберген.
Тәртіп сақшысы сол күні қалалық соттың ғимаратын күзеткен. Әріптестері қансырап жатқан оны тура сол жерден ауруханаға жеткізіпті. Дәрігерлер жігіттің жағдайы ауыр деп отыр. Облыстық ішкі істер департаментіндегілер өзіне тапанша кезеген қызметкерінің аты-жөнін атаудан бас тартты. Берген мәліметтеріне қарағанда, ішкі істер органына бір жыл бұрын орналасқан екен. Мінсіз қызметі үшін марапат алып та үлгерген. Үйленбеген сержанттың мұндай оқыс қадамға баруына «суицид емес, қаруды дұрыс қолданбауы түрткі болған» деп отыр тәртіп сақшылары. Бірақ екі мәрте ату себебін ешкім түсіндіре алған жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
