Павлодарлықтар жаңа жылды ит жарыстырып қарсы алды. Астана, Семей мен оған іргелес Омбы қаласынан келген жас каюрлер 30-дан астам әртүрлі тұқымдас иттерді әкеліп, өзара сайыс өткізді. Әсіресе сібір хаскилері ерекше көзге түскен.
70 градустық аязға төтеп беретін иттер алдына қара салмай, жүйрік екендерін дәлелдеді. Аляскалық маламуттар мен америкалық акитоның өнері де жиналған жұртқа ерекше әсер қалдырды. Бір қызығы, ұйымдастырушылар бағдарламаның басым бөлігінде «төрт аяқтыларға» салмақ түсірмей, оларды иесімен бірге жүгіртуді жөн санапты. Шанаға жегіп сайысқан санаулы каюрлердің ең кішкентайы – 4 жасар Саша Малуда. Ал, сәбилерінің шаттығына мастанған ата-аналары алғашқы доданы алдағы уақытта да жалғастырмақ ойда. Андрей Степанов жеті қазынаның бірі саналатын жануардың бірден бесеуін сатып алған. Тіпті, олардың серуені үшін бүкіл саяжайын иттің үйшігіне айналдырыпты.
Андрей Степанов, ит өсіруші:
-Бұл біздің отбасымыздың күнделікті ермегі. Бала-шағамыз осыдан ерекше ләззат алады. Күн сайын иттерді жегіп, шанамен сырғанауды әдетке айналдырғанбыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
