Енді еңбек мигрантын пайдаланғысы келген азаматтарға 5 келісмектен артық ұстауға болмайды. Ал шетелдіктердің өзі еңбегі үшін салық төлеуі тиіс. Тиісті заң алдағы ақпан айынан бастап күшіне енбек.
Елімізге күнкөріс қамымен келетіндер де, оларды жұмыспен қамтушылар да бұған дейін қазынаға көк тиын салық төлемей келген. Енді жаңа ережеге сай олар көші-қон полициясына тіркелгеннен кейін, салық органынан жеке сәйкестендіру номерін алып, алдын-ала 2 айлық есептік көрсеткіш көлемінде ақы төлейді. Сонымен қатар, міндетті түрде жұмыс берушімен еңбек келісімін жасап, ай сайын 3700 теңге салық төлеуге міндетті. Ал кез-келген жеке тұлға үй шаруасына, бала күтуші, аула тазалаушы ретінде немесе құрылысқа ендігіде 5 адамнан артық жалдай алмайды. Айта кетсек, өткен жылы ел шекарасынан 174 мың еңбек мигранты өткен екен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
