Тараздағы сауда орталығына қарақшылық шабуыл жасалды. Алайда, елдің үрейін алғаны болмаса, қаскөйлердің арам ойы жүзеге аспай қалды.
Бет-ауызын тұмшалаған 3 адам орталықтағы «Метроном» дүкеніне басып кірген. Мұнда қашанда абыр-сабыр адам, қызу сауда. Кіріп-шыққандардың қимыл-қозғалысын бейнекамера бақылап отырады. Бірақ, қарақшылар соған қарамастан кассаны тонамақ болыпты. Кірген бойда күзетшімен жаға жыртысқаны таспада анық көрінеді. Кейін көпшіліктің зәресін ұшырған 3 ұрыны сауда нысанында жүрген қаржы полицейлері кездейсоқ қолға түсірген. Қазір қарақшылық дерегі бойынша қылмыстық іс қозғалып, жолы болмаған қарақшылар тергеу абақтасына қамалды. Арасында кәмлет жасына толмаған жасөспірім де бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
