Қарағандыда прокурор көлігімен адам қағып өлтірді. Бірақ оқиғаға қатысты қылмыстық іс қозғалғанымен, Теміртау қалалық прокуратурасының қызметкеріне әзірге ешқандай шара қолданылмаған. Айта кетсек, апатқа себепкер шенді облыстық экология басқармасының бастығы Шагурашид Мамалиновтың ұлы.
Оқиға қаңтардың 1-і күні таңсәріде болған. Астанадағы ауруханада жатқан әйелі мен бір жасар баласына бармақ болып, вокзалға бет алған Павел ауыр соққыдан кейін есін жимай жан тапсырыпты. Жігіт бүгін жерленді. Ал жол апатына қатысты ақпарат ғаламторда тарасымен, оқырмандар прокурордың мас болғанын айтып байбалам салған. Тіпті көлік құжаттарының толық болмағанын да меңзепті. Бірақ бүгін тілшілерді шұғыл жинаған «облыстық прокуратура ғаламторда жазылғанның бәрі жалған деп» отыр. 24 жастағы Қаныш Мамалиновтың еңбек демалысында болғанын айтып ақталды. Күдікті мінген сүліктей қара мерседес пен жеке құжаттары да дұрыс көрінеді.
Нұржан Сүгірәлиев Теміртау қаласының прокуроры:
-Мамалиновтың қанында спирттік құрам жоқ. Бұл абайсызда жасалған қылмыс, қасақана емес. Сондықтан «оның қылмысы дәлелденбей тұрып оның мемлекеттік қызметте өмір бақи істемейді деп» айта алмаймыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
