Шайбалы хоккейден Жоғары лиганың кезекті турында Қарағандының «Сарыарқасы» 6:3 есебімен Клин қаласының «Титанын» ұтты. Кездесудің бірінші кезеңінде Сабахудин Ковачевич алаң иелерін алға шығарды.
Қарап қалмаған қонақтар көп ұзамай таразы басын теңестіріп кетті.Мұнымен тоқтамаған «Титаннның» тарландары алаң иелерін екінші рет ойынды ортадан бастауға мәжбүр етті. Дегенмен қонақтардың адуынын дер кезінде басқан қарағандылықтар, одан әрі ойын тізгінін қолдан шығарған жоқ. Ертең «Сарыарқа» өз алаңында Кондопоге қаласының намысын қорғап жүрген «Карелия Әскери -теңіз флоты» клубын қабылдайды.
Соңғы жылдары кәсіпқой бокс әлемінде жерлесіміз Генадий Головкиннің есімі асқақтап тұр. Онымен күш сынасуға асығып жүрген боксшылар да аз емес. Солардың бірі –америкалық Андре Уорд. Бұл боксшының әуесқой бокстағы жетістіктері де өте жоғары.
1996 жылы Афины олимпиадасында алтыннан алқа таққан Андре Уорд, кәсіпқой боксқа ауысқалы бері жеңілістің ашы дәмін татпаған. Оның жойқын соққыларынан Артур Абрахам, Карл Фроч және жартылай ауыр салмақ бойынша әлем чемпионы Чед Доусон сынды дәулер тізе бүккен. Сол мықтыңыз Генадий Головкинмен қолғап түйістіруге ниет білдіріпті. Америкалық танымал сайт ESPN екі жұлдыз осы жылы күш сынасуы мүмкін деп отыр. Болашақ қарсыластардың жеке көрсеткіштері де керемет. 29 жастағы Андре Уорд екінші жартылай ауыр салмақ категориясы бойынша WBA және WBC версияларының чемпионы. 27 кездесу өткізіп, оның бәрінде жеңіске жеткен. WBA и IBO тұжырымдарының чемпионы Головкиннің «жеңіліс» графасы әзірге таза. 28 жекпе-жектің бәрін ұтқан Гена, 25 кездесуді нокаутпен аяқтаған.
Месси 2015-ші жылы “Барселонадан” кетпек. Бұл жайында “ one world sport” басылымы мәлімдеді.
Клуб президенті Сандро Расель алдағы жоспарда аргентиналықты қомақты ақшаға сатуды жоспалап отырған сыңайлы. Мәселен команда басшылығы Мессиді 200 млн. еуроға бағаламақ. Бұл футбол тарихындағы ең қымбат трансфер болмақ. Әрине, шабуылшының қай командаға қоныс аударатыны белгісіз. Бірақ әлемнің үздік футболшысы атағы артқан сайын бапкерлер мен басшылыққа мойын ұсынбағаны команданың ішкі жағдайына кері әсерін тигізбек. Тіпті соңғы уақытта Мессидің агенттері жалақыға қатысты біраз дау туындатқан да болатын. Енді бұл түйіткіл бір жылдан кейін түбегейлі шешілмек.
Футболдан Испания чемпионатының 18-ші тур ойындары өз мәресіне жетті. Алғашқы таймда гол соқпаған Карло Анчелотти шәкірттері үзілістен кейін өз жанкүйерлеріне нағыз футбол мерекесін сыйлады.
67-ші минутта қақпа алдындағы қарбаласты ұтымды пайдаланған Карим Бензема есеп ашты. Осыдан кейін шабуылда ширақ ойнаған мадридтық футболшылар есепті еселеді. Оң қапталдан жеткен пасты қақпада тулатқан Криштиану Роналду. Ал қосымша уақытта жылдам ұйымдастырылған қарымта шабуылда Гарет Бэйл Роналдуға тамаша пас шығарды. Бұл жолы да өз мүмкіндігін құр жібермеген португалдық қортынды есепті орнатты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
