Ал өскемендіктер қыста суға шомылып, дене шынықтырып жатыр. Сақырлаған сары аяздың келуін сарыла күткендер бүгін кезекті маусымдарын ашты.
Ертіс өзеніне күмп етіп жатқандардың барлығы «Боран» деп аталатын морждар клубының мүшелері. Мұндағы 60-қа тарта адам 40 жылдан бері мұзды суға шомылудың пайдасы көп екенін насихаттап келеді. Көбі осы дене шынықтырудан кейін бастары ауырып, балтыры сыздағанды ұмытқан. Айта кету керек, экстремалдардың біразының жасы алпысты алымдаған.
Валентина Клименко:
- Бұл клуб өркендеуі үшін жастар да қатарымызға келіп қосылуы қажет. Осылайша біз салауатты өмірді насихаттаймыз. Мұзды суға шомылудан алатын әсерің өзінше бөлек әңгіме.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
