Бас мүфтидің ашынасымен ойнас жасап жатқаны камераға түсіп қалды
Автор: Нартай Аралбайұлы
08.01.2014
Қырғызстанның бас мүфтиі ғаламтордың жұлдызына айналып дін жолындағы әріптестерінің жүзін жерге қаратты. Таспада 36 жастағы Рахматулла Эгембердиевтің әлдебір әйелмен төсек ләззатына батып жатқаны айқын көрсетілген.
Видеоролик бір тәуліктен кейін-ақ ғаламтордан алыныпты. Дегенмен 13 минуттық таспаны миллионнан аса адам көріп үлгерген. Дін жолында жүріп нәпсісіне ерік берген бас мүфти де, бейнетаспадағы өзі екенін жасырмады. Ал тәнінен тоят тапқан қыз мүфтидің әйелі емес екен. Айтуынша бұл қызбен ол Шариғат заңдылығы бойынша 4 жылдан бері бірге көрінеді. Абыройын айрандай төккен бұл жазбаны Рахматулла Эгембердиев «елдегі өзіне қарсы шенеуніктердің ісі» деп отыр. Яки, төсекқұмар дінбасы олардың қажылықтан пайда табар астыртын жолдарын шорт кескен. Ғаламтордың жұлдызына айналып тұтас Қырғызстанды жерге қаратқан мүфти бүгін өз қызметінен кетті. Бұл орында ол бар-жоғы екі жыл отырған. Айта кетейік, соңғы 4 жылда Рахматулла Эгембердиевті қосқанда орнынан кеткен бұл бесінші бас мүфти.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
