Қарағандыда суық қарумен сайысатын спорттың жаңа түрі пайда болды. Семсер, қанжар мен жұдырық жұмсалатын жекпе жек «үшкүрес» деп аталады. Бірақ әлі ресми түрде тіркеліп үлгермеген. Спорттың сол жаңа түрінен бүгін алғашқы жарыс ұйымдастырылды.
Ауыр соққыдан тек баскиім мен иықжапқыштары ғана қорғап тұр. Бірінші кезеңде бір-бірін тоқпақтың астына алса, келесіде қанжарласып, соңына қарай жалаң қолмен жағадан алысып жатыр. Бірақ жан алардай болған белдесуде қарсыластар соққы мен бет ауыздан аққан қанды елейтін емес. Өйткені самбо, қол жекпе-жегі мен қылыштасу тәсілі араласқан «үшкүрес», ережесіз жекпе жектен бір елі кем түспейді. Ата балалар ұрысын дәріптейтін «Үшкүресті» ойлап тапқандар қазаққа тән жекпе жекті енді спорттың дара түріне айналдырмақ ойы бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
