Оралда тағы бір қаржы полициясының қызметкері тәртіп бұзып қолға түсті. Бұл жолы ішімдікке сылқия тойып алған тергеуші бірден екі жол көлік апатына себепкер болған. Онымен қоймай жол полициясының қызметкеріне жұдырық ала жүгіріпті.
Тізгінге ие бола алмаған 23 жастағы Ерлан Байшеркешев алдымен телефон бағанына, содан кейін жол жигінде тұрған көлікке соғылған. Ащы суға сылқия тойып алған қаржы полицейі мұнымен тоқтамапты. Оқиға орнына келген жол полициясы қызметкерлері оны медициналық тексерудан өткізуге апармақ болған екен. Бірақ тәртіпке бағынбаған қаржы полициясының қызметкері сол жерде жол сақшысының тұмсығын бұзған. Қазір тентек шендіге қатысты қылмыстық іс қозғалды. Енді жұдырығы жуан тергеуші 5 жылға дейін бас бостандығынан айырылуы мүмкін.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
