Қайрат Нұртастың концертінен соң бүлік шығарғандар ұзақ мерзімге сотталды
Автор: Альбина Асхатқызы
09.01.2014
Қайрат Нұртастың тағы 3 жанкүйеріне үкім кесілді! Әншінің «Прайм Плаза» сауда орталығындағы концертінен кейін жаппай тәртіпсіздікке қатысты деген үш азамат енді 6 жылын темір торда өткізуі тиіс.
- Елдар Мұсабаев, Сухраб Емиршаев және Жандос Сәлімов 6 жылға бас бостандығынан айырылсын
Бұл азаматтар бұзақылық, кісі тонау және қарақшылық сынды 3 бірдей бап бойынша айыпты деп танылып отыр. Десе де, бірде бірі кінәсін сол күйі мойындаған жоқ. Мәселен, екі баланың әкесі Сухраб Имиршаев сол күні Қайрат Нұртастың концертіне емес, сауда орталығының маңынан жұбайымен өтіп бара жатқанын айтып ақталған. Бірақ, сот бұл айғақты жеткіліксіз деп тапты. Бұған дейін де осы іс бойынша үш адамға үкім кесілгенін айта кетейік. Жалпы тәртіпсіздік былтыр 31 тамызда болған. Сүйікті әншілерінен көңілі қалған топ жаппай жаға жыртысып, 90-дай адам жараланған-ды.16 адамға қатысты қылмыстық іс қозғалды. Ал бүгінгі сот үкіміне келіспегендер енді апелляциялық шағым бермек.
-Масқара.Әділдік жоқ. Cот шешімімен келіспейміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
