Анасына бауырын бөліп берді
Қызы анасына бауырын бөліп берді! Алматылық Светлана Қайыповаға осыдан 4 жыл бұрын цирроз деген диагноз қойылған екен. Әбден асқынған ішкі мүшені оңтүстік астананың хирургтері кесіп алып, орнына қызының бауырын салды.
Автор: Елгүл Нұғман
14.01.2014
56 жастағы науқастың бұған дейін бармаған жері жоқ. Бірақ сырқатына шипа табылмай, ақыры кесуге тура келіпті. Бұл жолы мұндай күрделі операцияның ғылыми орталықтарда емес, қатардағы ауруханада жасалғанын айта кетейік. Ал донор болған пациенттің туған қызы. 25 жастағы Гүлшат анасына бауырының алпыс пайызын бөліп берген. Анасы үшін аянып қалмаған келіншектің де екі баласы бар. Қазір қос пациенттің да жағдайы қалыпты. Жалпы мұндай операция түрі енді тегін жасалмақ. Тек науқас туралы мәлімет порталға енгізіліп, кезегін күтсе болғаны.
Светлана Қайыпова, емделуші:
-Қазір өзімді жақсы сезінемін. Келген кезде қозғалуға мүмкіншілік жоқ еді менде. Қазіргі жағдайым күшті. Бәрі жақсы.
Гүлшат Атаниязова, Светлананың қызы:
-Анам үшін бәріне дайынмын. Бауырымды беруге дайын болдым. Дәрігерлерге және Алла тағалаға сеніп осындай шешім қабылдадым.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
