Бұл үйдің тұрғындары бүгін ашулы. Өйткені, кооператив төрағасы отыратын мына есік тағы құлыптаулы. Шақырса өздігінен не жиналысқа келмейді, көшеде көріп қалса қаша жөнеледі. Ал, қарсы шыққандарының үстінен арыз-шағым жазу мұнда әдетке айналған. Бүгінде солай болды. Жұртпен төбелесе жаздаған төраға, тілшілердің де үстінен шағым жазып үлгерді. 

-  Паркингке заңсыз кірді. Бұл жолғы арызым осы туралы.

Тұрғындардыңоған өкпелері қара қазандай. Үйдің қолданысқа берілгеніне 8 жыл болса да, төраға өздігінен жертөлеге не жөндеу жүргізбеген. Керісінше, оны әлдебіреулерге жалға беріп қойыпты. Жалға берілген тек жертөле ғана емес. Мына паркингке де бөтен көліктерді кіргізіп, олардан түсетін ақшаны қалтаға басып отыр дейді жұрт.

Хадиша Хашеева, Астана қаласының тұрғыны:

- Мені атамағаны жоқ. «Кезбе» деді, «Келімсек» деді. Мені Өзбекстаннан заңсыз көшіп келді деп, үстімнен прокуратураға арыз жазыпты. Біз бұл жерге 2008-інші жылы келгенбіз. Өзіміздің пәтеріміз бар. Өткенде «менің ауламда жүрме, кет» деп мені ауладан итеріп, қуып жіберді.

Төрағаның ісіне наразы жұрт оны бірнеше рет орнынан алып тастамақ болыпты. Арыздарын арқалап, талай құзырлы орган табалдырығын аттағанымен, ешқандай нәтиже шықпаған.

Сәмен Бекбаулин, Астана қаласының тұрғыны:  

–Өзі адаммен сөйлесуді білмейді.Баламен де әйелмен де, үлкенмен де шалмен де, ұрыс- керіс жүрген жері.

Ал кооператив төрағасы болса «судан ақ, сүттен тазамын» дейді. Өзін ақтап алғысы келген арызқой басшы бүгін де жұрттың бәрін «сотқа берем» деп қалды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!