Бірақ осы қарбаласта  жарақат алып қалған  Дастин Бойд ойын алаңын тастап кете барды.   «Барыс»  үшін «Спартактың» қақпасында тулаған бірінші голдың құны  осылай болды. Екінші кезеңде өз қақпасына гол жіберіп алған  алаң иелері, есесіне   қонақтарды тағы екі рет қапы қалдырды. «Барыс » сапында Талғат Жайлауов пен тағы сол  Найджел Доус көзге түсті. Матчтың шешуші бөлігінде «Спартактың » қақпасынан саңлау тапқан «Барыстың» дебютанты  Зак Хэммилл таблодағы есеп айырмашылығын  4:1 жеткізді. Жалғыз шайбамен жауап қайтарған «Спартак» Астанадан құр қол қайтты. Осы күні  «Салават Юлаевтан» сүрінген Шығыс конференция лидері «Металлург» көш тізгінін «Барысқа » ұстатты.

«Барыстың» жеңісіне сүйсінген жанкүйер,  осы күні қарағандылық   «Сарыарқаның »  жеңілгеніне күйінді.  Олай дейтініміз  жоғары лигада өнер көрсететін «Сарыарқа» Тольяттиде жергілікті «Лададан» оңбай ұтылды. 

Ә дегенде  сыр бермеген қарағандылық хоккейшілер, уақыт өте алаң иелеріне төтеп беруден қалды. Кездесудің бірінші бөлігінде үш шайба жіберген жерлестеріміз матч соңына дейін тағы бес рет ойынды ортадан бастауға мәжбүр болды.  Нәтижесінде тек үш голмен жауап қайырған қонақтар  8:3 есебімен жеңіліс тапты. «Сарыарқаның» сырт алаңдағы  кездесулер сериясы  ертең  Марий-Эл республикасында жалғасады.  Дәлірек айтсақ,  Волжск қаласында   «Ариада» хоккей клуыбмен күш байқасып көреді.

 Мельбурнде басталған  Аустралияның ашық чемпионатында қазақстандық теннисшілер ала-құла өнер көрсетуде. Бәрінен де Зарина Диястың аяқ-алысы қуантып отыр. Зарина алғашқы айналымда чехиялық Катержина Синяковадан алда болды. Мәртебелі доданың келесі айналымында Зарина , жаңа зеландиялық МаринаЭраковичпен кездеседі. 

Тәжірибелі Галина Воскобоева да бірінші кезеңде қиналған жоқ. 29 жастағы еліміздің үздік теннисшісі  румыниялық   Камелия Бегуден басым түсті. Өкінішке орай Ярослава Шведова мен Юлия Путинцева жеке сындағы жарыстан босап қалды. Ярослава 6:7 және 3:6 есебімен 20 жастағы америкалық теннисші Слоан Стивенске жол берді.   Польшаның бірінші ракеткасы Агнешка Радванскамен жолы түйіскен Юлия Путнинцева, әйгілі қарсыласына төтеп бере алмады. Мұндағы есеп 6:0, 7:5 және  2:6. Жігіттерге келсек,   ашық чемпионаттың  жекелей сынында  бақ сынайтын бір де бір жерлесіміз қалмады. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!