Қазақстандық шабандоздар Атакама шөлін бағындыруда
«Astana Motorsports» командасы үшін Дакардың ең қиын бөлігі сәтті аяқталып, олар құмды даланы артта қалдырды. Ал Артур Ардавичус басқарған экипаж бірнеше күн бұрын жол апатқа түскеніне қарамастан 12-ші орынға көтерілді.
Автор: Олжас Байжан
15.01.2014
Отандық команданың «Татрасы» осыдан бірнеше күн бұрын Дакардан уақытынан бұрын шетте қалады ма деген қауіп бар еді. Бірақ жөндеу жұмыстары жүргізілген соң бұл экипаж тек қатарда ғана қалмай, алға суырылып шықты. Сонымен қатар қазақстандық тағы екі экипаждың да нәтижелері айтарлықтай. Денис Березовский бүгін мәрені 35-ші болып кессе, Айдын Рақымбаев жалпы көрсеткіш бойынша 14-ші орында тұрақтады. Жарыстың соңына дейін біздің автошабандоздар барын салып, жарысты сәтті аяқтауды мақсат етуде.
Артур Ардавичус, «Astana Motorsports» командасының пилоты :
-Жанармай таусылып қалады немесе апат салдары кедергі жасайды ма деп уайымдап едім. Бірақ 26 болып шығып, 12 орынмен бүгінгі күнді аяқтадық. Бұл біздің стиль. Ертеңгі күн де сәтті аяқталады деген ойдамын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
