Америкада қамауда жатқан отандастарымыздың соты тағы шегерілді
Америкада қамауда жатқан қос қазақтың соты бір жылға созылуы мүмкін. Бостондағы жарылысты әлі түпкілікті зерттеп үлгермедік деген америкалық АҚШ прокурорлары істі тағы кейінге шегеруді өтініпті.
Автор: Аруна Ортай
15.01.2014
Жерлестеріміздің бірі - Диас Қадырбаевтың адвокаттары бұл шешіммен келіссе, Азамат Тәжияқовтың ата-анасы мұндай ұзақ үзіліске үзілді-кесілді қарсы. Айта өтейік, отандастарымызға ағайынды лаңкестер Царнаевтарға қол ұшын созды деген айып тағылуда. Бостон марафонындағы сол жарылыста 4 адам қаза тауып, 200-ден астамы жараланған болатын. Азаматтың кінәсіздігіне сенімді адвокаттары істі енді созбалаңға салуға негіз жоқ деп, сотқа сақадай сай екенін айтып отыр.
Әмір Исмағұлов, Азамат Тәжияқовтың әкесі:
-Біз оған қарсымыз. Ертең Азаматтың адвокаттары сотта өздерінің графигін береді. Ол график бойынша алқа отырысының соты шілдеде болуы керек, 2014-ші жылдың. Ол 1-2 апта болып, содан кейін ол бітуі керек.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
