Құс тұмауының өршуіне байланысты туристерге аса сақ болуға кеңес берілді
Абайлаңыз, құс тұмауы! Бірқатар елдерде осы қауіпті кеселдің таралуына байланысты қазақстандық туристерге ескерту жасалды. Індет әсіресе соңғы уақытта отандастарымыз жиі демалып жүрген Вьетнам, Индонезия, Қытай, Мысыр мен Камбоджада белең алған.
Автор: Олжас Байжан
15.01.2014
Осыған байланысты шенеуніктер қауіпті аймаққа бармауға кеңес беріп отыр. Ал көптен жоспарлап қойған демалысын бұзғысы келмейтіндер сақтық шараларын күшейткені абзал. Базарлар мен су қоймаларындағы құстардан аулақ жүріп, көшедегі кез-келген дәмханадан тамақтанбағаны жөн. Соңғы мәліметтерге қарағанда Қытайда құс тұмауын жұқтырғандар саны қазір 150-ден асқан. Оның үстіне вирус мутацияға ұшырағандықтан дәрігерлер оның жаңа штаммдарын тіркеуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
