Көлігімен адам қағып өлтірген прокурор қызметінен қуылды
Зейнеткерді көлігімен қағып өлтірген құқық қорғау органының лауазымды шендісі қызметінен қуылды. Жылдамдық қуған жүргізуші Мақсат Шыңғысовты бүгін Астана қаласының прокуроры жұмыстан босатқан.
Автор: Ербол Сейілхан
15.01.2014
Тіпті ведомствада ауқымды тексеру басталыпты. Айта кетсек, 24 жастағы Астанадағы аудандық прокурордың көмекшісі Мақсат Шыңғысов жаңа жылдың алғашқы күнінде қарияны көлігімен қаққан. Зардап шегушіге көмек көрсетудің орнына қашып кетті. Ал 70 жастағы Жақсылық Ақпанов ауыр жарақаттан ауруханада көз жұмды. Прокуратура қызметкерін полиция ұстап абақтыға тоғытқан. Кейін қолхатпен бостандыққа қоя беріпті. Ал арқа сүйер азаматынан айрылған отбасы, қылмыстық іс жабылып тынуы мүмкін дейді. Себебі марқұмға «жолды белгіленбеген жерден өтті» деп кінә артыла бастаған. Одан қалды тергеу материалдарында, бірде-бір куәгердің аты жоқ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
