Cүйінші! Үшем дүниеге келді
Аман, Есен, Жүрсін. Таразда дүние есігін ашқан үшемге осындай ат берілді. Үш ұлдың жағдайы қалыпты, анасы да қазір өзін жақсы сезінеді.
Автор: Руслан Әбдіхалық
17.01.2014
Бір ұл, екі қыздың анасы Айнұр тағы үшем босанып көпбалалы ана атануда. 32 жастағы келіншектің бақыттан басы айналған. Отағасы тіпті қуанышты. Есімдерін бір- біріне ұйқастырып, Аман, Есен, Жүрсін деп қойған. Пышаққа түсіп, босанғаны болмаса, ана мен үш балақайдың жағдайы жақсы. Бірер күнде перзентханадан шығарылады. Әрқайсы 2 келі тартатын сәбилер күн санап салмақ қосып келеді. Ал анасы мұнымен шектелгісі келмейді. Орынбековтар отбасының санын онға жеткіземін деп құлшынып отыр.
Айнұр Көшпенбетова, үшемнің анасы:
-Үшем көтергенімді жүктіліктің алтыншы аптасында білдім. Білген кезде" түсіндіре" алмайтын сезімде болдым. Осы үшемнің дүниеге келуіне бүкіл отбасымыз атсалысты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
