«ТойBestStar» бәйге жариялады
Бұрын-соңды болмаған бәйге! КТК телеарнасының «ТойBestStar» тележобасы ең үздік тойға бәйге жариялайды. Егерде сіз той үстінде ең қызықты, әрі ұмытылмастай сәттерді түсірген болсаңыз, онда оны тездетіп «ТойBestStar»-ға жөнелтіңіз. Бейнебаяндар наурыз айының 10-на дейін қабылданады. Ал жеңімпаз еліміздің басты тойы - Ұлыстың Ұлы күні марапатталамақ.
Автор: Аруна Ортай
17.01.2014
Сән-салтанаты асқан қазақтың нағыз тойы бұл. Ел аузында жүрген әнші де, мың бұралған биші де осында. Тек ана тілінде сөйлейтін думанды шоу құлақтың еті әбден үйренген әзілдерді айтудан аулақ. Тың, әрі креативті жоба.
Бағдат Сәмединова, Қазақстанның еңбек сіңірген артисі:
-Өнер адамдары үшін кереметтей мереке сыйлап жатыр, біріншіден. Екіншіден, қазағымыздың дәстүрі ғой, салты ғой тойбастар деген. Атының өзі кереметтей айтып тұрғандай, әрбір сенбі күндері қуанышпен асығыспен күтетін болдық.
Тойдың көркін Жанар Айжанова мен Айгүл Иманбаева қыздыра түскен. Мұнда сценарий деген жоқ. Барлық айтылған әңгіме, әзіл-қалжың камера алдындағы таза импровизация.
-Қаптаған бейнекамера, көздің жауын алар декарация. Қазір мұнда «ТойBestStar» шоуының кезекті түсірілімі жүріп жатыр. Мына жарқыраған сахнаның сіздің де жұлдызы атануға мүмкіндігіңіз бар. Олай дейтініміз, бүгіннен бастап қазақтың тойын дәріптеген бағдарлама сіздің қуанышыңыздан түсірілген ең үздік видеоға бәйге жариялап отыр.
Аида Тілеухан, атқарушы продюсер :
-Видеоның кәсібилігіне біз ешқандай назар аудармаймыз. Ол ұялы телефон арқылы түсірілсе де болады. Және де видеолардың барлығы эфирден көрсетіледі.
Ендеше, тойжарысты ұтуға асығыңыз! Бейнежазбаңызды экрандағы электронды мекенжайына жөнелтіңіз. Бас жүлде - аузымен құс тістеген асыл тұқымды арғымақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
