Жерге таласқандар шу шығарды
Шығыс Қазақстанда жер дауы. Жарма ауданындағы Балықтыкөл ауылының тұрғындары жергілікті шаруа қожалығының басшысына қарсы шықты. Айтуларынша, төраға ортақ мүлікті талан-таражға салған. Тесік астау құшақтап қалған жұрт енді тиісті үлестерін сот арқылы өндірмек.
Автор: Олжас Сайлаубекұлы
17.01.2014
-Ұжым бастығының кінәсінен бұл. Тоналып жатыр.
Қолда бар жері мен техникасын біріктірген Балықтыкөл ауылының тұрғындары, қазір қу тіземізді құшақтап қалдық дейді. Айтуларынша, қожалық бастығы баршаға ортақ мүлікті өз атына рәсімдеп жіберген. Тіпті, балалардың көрші ауылдағы мектепке қатынайтын автобусын да сатып, ақшасын қалтаға басыпты.
Сағдат Сыбанбаева, Балықтыкөл ауылының тұрғыны:
-Ешқандай пай жоқ, барлығын өз атына жазып алған! Біздің түсінбейтініміз, қалай заңсыз, біздің келісмсіз өзінің атына бәрін жазып алады?! Ортақ мүлікті сатты! Мында қанша комбайн болды, қанша сеялка, қанша трактор болды!
Ауылдықтардың айтынша, қожалықтың бұрыңғы бастығы қайтыс болып, інісі барлығын өз атына аударыпты. Шаруалар үлесін сұрап, оған да барған екен. Бірақ жаңа бастық та бұқараны құрқол қайтарған.
Мәрзия Оразалы, Балықтыкөл ауылының тұрғыны:
-Қой да қырықтым, жем де тарттым, істемегенім жоқ! Енді қартайғанда пайға келгенде маған түк те жоқ! Бірдеңе сұрасаң, қабағын түйіп, теріс қарап кетеді! Жоқ дейді!
Осы жолы да жұрт жиналып, бастықты үйіне іздеп барды. Алайда, мұнысынан ештеңе шықпады. Қожайын аяқ асты ауырып қалып, қалаға емделуге кетіпті.Ауылдық округ әкімдігі бұл іске араласуға хақымыз жоқ деп ат тондарын алып-қашуда. Ал прокуратура қожалық бастығының қылығынан шикілік тапса да, қимылсыз отыр.
-Өзіне тиесілі үлеске қол жеткізе алмаған адамдардың кейбірі баспаналарын тастап көшіп кеткен. Ал әділдік іздеген өзгелері алыспай беріспек емес. Қажет болса, Жоғары сотқа да жүгінеміз деп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
