Тастандылардың анасы дәрігерлермен төбелесті
Үш баласын тастап кетті деп айыпталған Шымкенттік әйелдің төңірегіндегі дау толастар емес. Бүгін ұл қызын көру үшін ауруханаға келген Ақмарал Жарылқасынованы дәрігерлер есіктен аттап бастырмады. Ішке кіре алмаған келіншек ақыры ақ халаттылармен жаға жыртысты.
Автор: Бек Әби
17.01.2014
Дәрігерлер жабылып жүріп Ақмаралды кірген есігінен қайта шығарып жіберді. Көз жасы көл болған ана әзірге ауруханада жатқан бүлдіршіндерін көре алмайды. Себебі, оларды өзі туғанын дәлелдейтін құжаттары жоқ. Балалардың көшеден табылғанына 2 апта өтсе де, тиісті құжаттарын әлі рәсімдемепті. Айта кетсек келініне ерегіскен енесі өзіне сеніп тапсырылған балғындарды көшеден "тауып алдым" деп байбалам салған. Сөйтіп келіншекті дүйім елдің алдында қарабет қылған-ды. Ал әбден жүйкесі жұқарған Ақмарал қанша шу шығарса да бөбектерімен кездесуге дәрігерлер ақыры рұқсат берген жоқ. Сондықтан 2 жасар Мирас пен 8 айлық Кәусар аналарымен тек терезе арқылы тілдесті.
Ақмарал Жарылқасынова, балалардың анасы:
-Құшақтайыншы, апай, көрейінші.Өтінем сізден
Ғазиза Қожабекова, педиатр:
- Кіруге болмайды, ауруханада карантин. Инфекция алып кірсе қайтеміз?Одан кейін нақты анасы екенін растайтын ешқандай құжаттары жоқ, төлқұжаты, одан кейін акт керек. Оның бәрін әкелсе балаларын береміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
