Өз-өзіне қол салды деп жұмысшының өлімін жасырған
Ақтөбедегі ферро қорытпа зауытының басшылары қызмет барысында жан тапсырған жұмысшының өлімін жасырмақ болған. Олар жүк тиелген қос вагонның арасында жаншылып өлген Сұлтан Аймұратовты «өзіне қол салды» деп оқиғаны жылы жауып қоюға әрекеттеніпті. Тек туыстарының арызынан соң ғана олардың арам ойлары әшекереленді. Енді қара жамылған отбасы оқиғаға кінәлілерді қатаң жазалауды талап етіп отыр.
Автор: Жаңалық Ахаш
17.01.2014
Ферроқортыпа зауытында машинистің көмекшісі болып істейтін Сұлтан Аймұратов осыдан бір ай бұрын кен тиелген қос вагонның арасында жаншылып қайтыс болған. Жалғыз ұлын жер қойнына берген отбасына кәсіпорыннан келген хабар бастарына жай түсіргендей әсер еткен. Өндіріс орнында өлім құшқан Сұлтанды ондағылар «өзіне қол салды» деп істі жылы жауып тастауға талпыныпты.
Бақытгүл Букаева, С. Аймұратовтың апасы:
-Қалай суицид деп айтады?Осы сөзді естігенде өліп кете жаздадық
25 жастағы Сұлтанның артында жары мен сегіз айлық нәрестесі қалды. Жиырмасында жесір атанған жұбайы марқұмның орындалмаған арманы көп еді деп отыр.
- Үй салу арманы болатын. Отбасымызбен сонда тұрамыз деп жүруші еді.
Туыстарының арызы бойынша зауытты тексерген еңбек инспекциясының өкілдері де жаға ұстап отыр. Алғашқыда зауыт басшылары Сұлтан қос вагонның арасына өзі барып қыстырылды деп жалтармақ болған.
Жолмұрат Жұбаназаров, Ақтөбе облыстық еңбек инспекциясы басқармасының бөлім бастығы:
-Өздерінің ойлағандары ойдан шықпады. Ойдан шықпайды да. Ол бастан жұмысқа кіргенен бастап бұлар еңбек кодексінің жаңағы жұмысқа алар кезде жұмысынан бөлек қосымша өздері бұзып тұр.
-Ақтөбе ферроқорытпа зауытының басшылары қандайда бір мәлімдеме жасаудан бас тартып отыр. Әйтседе соңғы бір айда мұндағы темір жол цехында екі адам қайтыс болды. Кәсіпорын жетекшілері болса әркез оқыс оқиғағаның себебін жасырып бағуға тырысады екен.
Қазір еңбек инспекциясы зауыттың кінәлі екенін дәлелдеп, істі ішкі істер департаментіне жолдаған. Ондағылар енді адам өліміне қатысты қылмыстық іс қозғамақ.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
